Һәр муниципаль районда сөт терлекчелегендә алдынгы цифрлы технологияләр кертер өчен база хуҗалыклар билгеләнде
ТР Авыл хуҗалыгы министрлыгының 121/2 – пр номернлы приказы буенча һәр муниципаль районда сөт терлекчелегендә алдынгы цифрлы технологияләр кертер өчен база хуҗалыклар билгеләнде. Хуҗалыкларда терлекләр белән эшләү һәм аларны тукландыру буенча терлекчелек процессларын цифрлаштыру каралган Юл карталары эшләнде.
«Саба» ҖЧҖендә (Сатыш бүлекчәсендә) бу елның май аенда терлекләр белән эшләү программасы гамәлгә кертелде. Хуҗалык зоотехнигы Ләйлә Авзалова бу эш буенча укып кайтты һәм ул хәзер көн саен фермада белгечләр эшен җайга сала. Махсус программа орлыкландыру, синхронизацияләү, ветеринария чаралары, терлекләрне, аларның физик халәтенннән чыгып, технологик төркемнәргә күчерү буенча планлы чаралар бирә.
Система шулай ук терлекләр өчен каралган баланслы рацион нигезендә азыкны мөмкин кадәр төгәл әзерләргә мөмкинлек бирә. Моннан тыш, программа, барлык азык компонентларын керткәннән соң, аларны кирәк кадәр бутауны контрольдә тота.
Шул ук хуҗалыкның Мичан бүлекчәсендә бу елның 28 маенда шулай ук тукландыруга идарә итү программасы кертелгән. Юл картасы чараларын үтәү буенча бүгенге вәзгыятьне анализлау максатында "Саба" ҖЧҖенә Татарстан Республикасы Авыл хуҗалыгы һәм азык-төлек министрлыгының терлекчелекне цифрлаштыру буенча җаваплы затлары, эшче төркеме әгъзалары Гелүс Баязитов һәм Динард Гатауллин килделәр.